આજ થી ૩૦ વર્ષ પહેલાનો આ ફોટોગ્રાફ (૩ ઓગસ્ટ ૧૯૯૫) પતાયા બીચ થાઈલેન્ડ નો છે. એ મારી પ્રથમ વિદેશ યાત્રા હતી. માં રામલાલ પરીખ (કુલનાયક ગુજરાત વિદ્યાપીઠ) સાથે કોમ્યુનિટી એજ્યુકેશનના નેજા તળે અમે ગુજરાતના પાંચેક અધ્યાપકો આંતરરાષ્ટ્રીય પરિષદમાં ભાગ લેવા થાઇલેન્ડ ગયા હતા. અમારો ઉતારો પતાયા ની એ સમયની સૌથી મોટી પંચતારક એમ્બ્સેડર સીટી હોટલ, જોમટેઈનમા હતો. પાંચ દિવસની એ કોન્ફરન્સ(જુલાઈ ૩૧ થી ૪ ઓગસ્ટ ૧૯૯૫)માં ત્રીજા દિવસે મેં મારું સંશોધન પેપર “Total Literacy Through Community Education in the Context of Bhavnagar” રજૂ કર્યું હતું. અમારી સાથે અમદાવાદની અંગ્રેજી અને સમાજ વિદ્યા વિષયની બે અધ્યાપિકાઓ હતી. જેમાના એક ડો. ચંદ્રિકાબહેન રાવળ હતા. અને બીજા હતા ડૉ રેણુકાબહેન દેસાઈ. એ સમયના કોંગ્રેસના અને હાલના ભાજપના નેતા શ્રી અર્જુન મોઢવાડિયા પણ અમારી સાથે હતા. મારી તસવીરમાં તેઓ મારી પાછળ દૃશ્યમાન થાય છે.
No comments:
Post a Comment